Zbatimi praktik i instrumenteve të përdorura në shqyrtimin e shenjave të radikalizimit, vlerësimit të rrezikut dhe nevojave të të burgosurve ekstremistë të dhunshëm (mjete specifike për VEP), të margjinalizuar dhe në rrezik nga radikalizimi, qasja individuale ndaj rehabilitimit të tyre dhe përgatitjes së  për lirim, duke përfshirë definimin e mbështetjes pas lirimit, , ishin në plan të parë të trajnimit treditor për praktikuesit e burgjeve nga Shërbimi Korrektues i Kosovës, i cili u mbajt më 17-19 qershor 2024 në Istog, Kosovë.* Stafi i vijës së parë dhe menaxhmenti nga sektori i sigurisë dhe trajtimit në Burgun e Dubravës dhe Burgun e Sigurisë së Lartë, së bashku me përfaqësuesit e Shërbimit Sprovues të Kosovës dhe përfaqësuesit e Divizionit për Parandalim dhe Riintegrim të Ministrisë së Punëve të Brendshme, rifreskuan njohuritë e tyre mbi parimet thelbësore të përdorimit të mjeteve specifike të VEP-së dhe zbatimin e qasjes së trajtimit dhe rehabilitimit, gjatë punës me këtë kategri specifike të të burgosurve. Ata rishikuan teknikat për tejkalimin e sfidave më të shpeshta, si VEP-të e pamotivuar, rezistentë që refuzojnë të angazhohen në çdo mundësi trajtimi ose rehabilitimi. Gjithashtu, pjesëmarrësit praktikuan zbatimin e të gjitha hapave të programit të para-lirimit dhe  kornizës  së metodologjisë për mbështetje pas lirimit, të zhvilluara me përkrahjen e Këshillit të Evropës, dhe adresuan parakushtet kryesore për pilotimin e këtyre mjeteve dhe programeve në Kosovë, si p.sh. si: krijimi i një infrastrukture institucionale për punën me shkelësit; mbështetja e nevojshme për riintegrim; koordinim efektiv ndërmjet agjencive të përfshira; dhe veçanërisht krijimi i një aleance pune me VEP-të si përfituesit përfundimtarë të programeve të tilla. Pilotimi i mjeteve dhe programeve në Kosovë do të fillojë në korrik të këtij viti. Trajnimi u organizua nën kujdesin e Veprimit Rajonal “Rritja e bashkëpunimit në Ballkanin Perëndimor në menaxhimin e ekstremizmit të dhunshëm në burgje dhe parandalimi i radikalizimit të mëtejshëm pas lirimit” , dhe fazës së tretë të Programit të Instrumentit Horizontal, të bashkëfinancuar nga Bashkimi Evropian dhe Këshilli i Evropës dhe zbatuar nga Këshilli i Evropës.   *Të gjitha referencat për Kosovën, qofshin territori, institucionet apo popullsia, në këtë tekst do të kuptohen në përputhje të plotë me Rezolutën 1244 të Këshillit të Sigurimit të Kombeve të Bashkuara dhe pa paragjykuar statusin e Kosovës.