Më 14 dhe 15 nëntor 2023, përfaqësues të ministrive të drejtësisë dhe të administratave të burgjeve të Shqipërisë, Kosovës, Malit të Zi, Maqedonisë së Veriut dhe Serbisë vizituan Burgun Shtetëror të Sigurisë së Lartë dhe Qendrën Komunale Jajce për Mirëqenie Sociale në Bosnje dhe Hercegovinë për të shkëmbyer praktika të mira, në përgatitjen për lirimin dhe ofrimin e mbështetjes pas dënimit për të burgosurit ekstremistë të dhunshëm (VEP) dhe të burgosurit e margjinalizuar dhe të cenueshëm në rrezik radikalizimi. Gjatë vizitës në Burgun Shtetëror të Sigurisë së Lartë, praktikuesit e burgjeve shkëmbyen përvoja dhe morën njohuri mbi kornizën ligjore dhe institucionale të sistemit të burgjeve në Bosnje dhe Hercegovinë, sistemin e zhvillimit profesional të personelit, programet për rehabilitimin, risocializimin dhe përgatitjen e të burgosurve për lirim, duke mësuar gjithashtu për bashkëpunimin ndërinstitucional dhe mbështetjen e bazuar në komunitet dhe menaxhimin e ish-VEP-ve dhe kategorive të tjera të të burgosurve në rrezik radikalizimi. Pjesëmarrësit vizituan gjithashtu Qendrën për Mirëqenie Sociale të Komunës së Jajces dhe u njohën me strukturën organizative dhe funksionimin e institucioneve vendore që ofrojnë mbështetje postpenale dhe riintegruese për ish të burgosurit pas kthimit të tyre në komunitetin lokal. Vizita studimore u organizua në kuadër të aksionit rajonal “Rritja e bashkëpunimit në Ballkanin Perëndimor në menaxhimin e ekstremizmit të dhunshëm në burgje dhe parandalimi i radikalizimit të mëtejshëm pas lirimit” zbatuar në kuadër të Fazës III të Lehtësimit Horizontal për Ballkanin Perëndimor dhe Turqinë, i bashkëfinancuar nga BE-ja dhe Këshilli i Evropës dhe zbatuar nga Këshilli i Evropës.

* Të gjitha referencat për Kosovën, qoftë për territorin, institucionet apo popullsinë, në këtë tekst do të kuptohen në përputhje të plotë me Rezolutën 1244 të Këshillit të Sigurimit Kombëtar dhe pa paragjykim për statusin e Kosovës.