Младите се особено подложни на радикални идеологии и насилен екстремизам поради фактори како што се идентитетски кризи, влијанието од врсниците и изложеноста на штетни содржини на интернет, особено преку социјалните мрежи. Ризикот е особено висок кај младите лица кои веќе се подложени на корекциски и едукативни мерки и бараат високо професионален пристап од страна на третманскиот и едукативниот персонал кој работи во институциите за малолетници.

Препознавајќи ја оваа потреба, Косовската корекциска служба (KCS), со поддршка од ЕУ и Советот на Европа, организираше на 21-22 мај обука за зајакнување на капацитетите за 15 корекциски и третмански службеници од Центарот за жени и малолетници во Липјан. Обуката беше фокусирана на превенција од радикализација и рана детекција на штетните ефекти од идеологиите кај младите во институциите за издржување казна.

Практичарите од KCS, со големо искуство во работа со радикализирани затвореници, насилни екстремисти и други затвореници изложени на ризик од радикализација, ги споделија своите знаења за примена на специфични алатки и програми за идентификација на знаци на радикализација, проценка на ризици и потреби, и изработка на индивидуални програми за рехабилитација и третман. Учесниците особено ги вреднуваа практичните аспекти од сесиите, кои им овозможија примена на алатките и пристапите преку студии на случај.

Оваа активност беше организирана со поддршка на регионалната акција „Зајакнување на соработката на Западен Балкан во управувањето со насилен екстремизам во затворите и спречување на натамошна радикализација по ослободувањето“, во рамки на третата фаза на програмата Horizontal Facility, кофинансирана од Европската Унија и Советот на Европа и спроведена од Советот на Европа.