Претставници од затворскиот персонал од пенитенцијарниот систем на Црна Гора ја зголемија својата експертиза и знаење во управувањето, рехабилитацијата и подготовката за отпуст на осудени лица насилни екстремисти и радикализирани лица, како и други осудени лица кои се изложени на ризик од радикализација. Дводневната каскадна обука организирана во Подгорица ги собра вработените во обезбедувањето и третманот од казнено-поправните установи во Бијело Поље и СПУЖ. Тие беа запознаени со клучните алатки и програмата за пред-отпуст и рехабилитација на радикализираните осудени лица, која ја спроведува Управата за извршување на кривични санкции (УИК) при Министерството за правда на Република Црна Гора. Сесијата ја водеа добро обучени професионалци, кои можеа да ги споделат своите знаења и лекциите научени од пилот-фазата, за време на која овие алатки и програма беа успешно имплементирани во контекст на црногорските затвори. Каскадната сесија, исто така, ја покажа посветеноста на УИК кон процесот и нивната подготвеност да обезбедат одржливо користење на алатките и континуиран професионален развој меѓу вработените. Настанот е организиран во рамките на регионалната акција „Зајакнување на соработката во Западен Балкан во справувањето со насилниот екстремизам во затворите и спречување на понатамошна радикализација по ослободувањето“, преку заедничка поддршка од ЕУ и Советот на Европа, обезбедена во рамките на третата фаза од програмата Хоризонтален инструмент.